ఉదయమున అయ్యెను ఆదిత్యుని ఆగమనం,

పరిమళ కుసుమాలతో అందం పొందెను వనం,

మకరందం కొరకు మిళిందాలు చేశెను ప్రస్థానం,

వీక్షకుల నేత్రాలకు ఆనందమిచ్చెను నందనం |౧|

రంగురంగుల పుష్పాలతో సోయగం పొందెను ఉపవనం,

ఉద్యానంలో పల్లవించి పులకించి వికసించెను ప్రతిదినం,

భూలోకానికి చేశెను అద్భుత అపూర్వమైన నందన కాననం,

నిత్యం బహుకరించెను వనానికి నవజీవనం నవయవ్వనం |౨| 

అందరి దృష్టిని ఆకర్షించెను మనోరంజక ఉపవనం, 

పుష్ప ప్రదర్శన వీక్షణకు ముందుకు వచ్చెను జనం,

ఇహలోక ప్రేక్షకులు అలౌకిక లోకానికి చేశెను గమనం, 

పరిమళ కుసుమాలు పకృతి చేసిన ఉన్ముక్త ఉపస్థాపనం |౩|

రచన: శ్రీ రాజశేఖర్ చెముడుపాటి ('చీమ')